Hillary Clinton'un səfəri zamanı İran məsələsi də müzakirə oluna bilər

ABŞ-ın Dövlət katibi Hillary Clinton iyunun 6-da Azərbaycana səfər edəcək. Səfər çərçivəsində yüksək səviyyəli görüşlərin keçirilməsi nəzərdə tutulur.

Xarici İşlər Nazirliyi mətbuat xidmətinin rəhbəri Elman Abdullayev belə deyir.

Elman Abdullayev H.Clinton'un Bakı görüşlərində İranla bağlı məsələlərin də müzakirə ediləcəyini istisna etməyib:

«Regional məsələlər diqqət mərkəzində olacaq. İki ölkə rəsmiləri regionda baş verən proseslərlə bağlı fikir mübadiləsi aparacaqlar».