16:28
7.6.2014
POROSHENKO VƏ "SİLAH" ƏLAMƏTİ
Ukrayna prezidentinin andiçmə mərasimində fəxri qarovul zabitlərindən biri silahı əlindən yerə salıb. Epizod Petro Poroshenko parlament binasına daxil olarkən baş verib. Yaxşı əlamətdir, ya pis? Ekstrasenslik sarıdan məlum deyil, hər halda seçmə əsgərlərdən birinin silahı əlindən salması yaxşı görünmür. Xatırlayırsızsa, Viktor Yanukovych-in də innaugurasiya mərasimində kuryoz baş vermişdi. O dəfə zabit əlindən qapını buraxmışdı. Və nəhayət belə bir zarafat var ki, 2013-cü ildə Yanukovych-in problemləri İlham Əliyevi qəbul edərkən fəxri qarovul komandiri təsadüfən əlindəki qılıncla öz papağınə yerə salandan sonra başladı...
17:30
7.6.2014
PUTİN UKRAYNA SEPARATÇILARI İLƏ QƏRB ARASINDA
Vladimir Putin FSB-nin Sərhəd xidmətinə göstəriş verib ki, sərhəd pozuntularının qarşısını almaq məqsədilə Rusiya-Ukrayna sərhəddinə nəzarəti gücləndirilsin. Bu haqda Rusiya prezidentinin mətbuat xidməti xəbər verir
Məlumat Ukrayna prezidenti Petro Poroshenkonun andiçmə mərasimindən dərhal sonra yayılıb. Bir gün əvvəl Poroshenko və Putinin Fransada qısa görüşü olub. Burada Putin Fransa, Almaniya, Böyük Britaniya və ABŞ liderləri ilə də qısa danışıqlar aparıb. Xəbər verilir ki, Putin-i Ukraynanın şərqindəki silahlı separatçılara dəstək verməkdən çəkindiriblər.
Rusiya Ukraynanın şərqindəki silahlı separatçılara hər hansı aidiyyatını inkar edir. Eyni zamanda burada Ukrayna hökumət qoşunlarına qarşı döyüşən dəstələr arasında Rusiyadan gələn döyüşçülərin və silahların sayı durmadan artır.
17:55
7.6.2014
"Krım Rusiyadır, yoxsa #Ukrayna?" sualına Lukashenka belə cavab verir http://t.co/Y9cOizKggw
— AzadliqRadiosu (@RadioAzadliq) 7.6.2014
18:11
7.6.2014
UKRAYNA VƏ RUSİYANIN JURNALİST OVU
Münaqişə başlayandan bəri tərəflərin media nümayəndələrinə hücumları haqda tez-tez xəbərlər yayılır. Rusiyamelli yaraqlıları "terroçu" adlandırsan separatçıların hədəfi olursan, onlara "özünümüdafiə əsgəri" desən rəsmi Kiyevin qəzəbinə tuş gələ bilərsən. Bu günlərdə Donetskdə "Donbass" və "Veçernıy Donetsk" qəzetlərinin redaktorlarını yaraqlı şəxslər həbs etdi. İyunun 7-də isə Slavyasnk yaxınlığında Ukrayna hərbçiləri Rusiyanın "Zvezda" qəzetinin 2 jurnalsitini saxlayıb. Beynəlxalq qurumlar dəfələrlə tərəfləri söz və media azadlığına hörmətlə yanaşmağa çağırıblar. Ukrayna Ali Radasının üzvü Oleg Lyashko Rusiya TV jurnalistlərini parlamentdən qovanda ATƏT-in Media azadlığı üzrə nümayəndəsi Dunja Mijatovic də reaksiya verməyə məcbur olur.