Keçid linkləri

RFE/RL-in bütün saytları
site logo site logo
Əvvəlki Növbəti
Elan:
2024, 25 Noyabr, Bazar ertəsi, Bakı vaxtı 07:59
Dünya

Ukrayna böhranının xronologiyası [28 avqust - 2 sentyabr]

Ukraynanın şərqində gedən müharibə yeni mərhələyə keçir. Donetsk və Luqanskda Ukrayna təhlükəsizlik qüvvələrinə qarşı döyüşən yaraqlılara indiyədək Rusiya ərazisindən gələn ayrı-ayrı könüllülər qoşulurdusa, artıq bütöv nizami hərbi hissələr köməyə gəlir

Ukrayna hadisələri haqda bütün xəbərləri burada oxu

- İyul və avqust aylarında Ukrayna silahlı qüvvələri bir sıra uğurlar əldə edəndən sonra, Luqanskda və Donetskdə separatçıların rəhbərliyi sıralarında dəyişiklik həyata keçirildi. Yeni separatçı liderləri elan etdikər ki, tezliklə əks-hücuma keçəcəklər. Və həqiqətən də, avqust ayının ikinci yarısında döyüş bölgələrindən Ukrayna qoşunlarının hücumlarının tükənməsi haqda xəbərlər gəldi. Donetsk vilayətinin şərqində İlovaysk və Starobeşevo rayonlarında Ukrayna hərbi hissələri mühasirəyə alındı. Rusiyameylli qüvvələr gözlənilmədən Ukrayna qoşunlarının arxasından, Azov dənizi sahilində Rusiya-Ukrayna sərhəddindən güclü hücuma keçərək Novoazovsk şəhərini də zəbt ediblər. Onlar strateji əhəmiyyəti olan Mariupol şəhərinə hücuma hazırlaşırlar.

Diqqət. Ukrayna hadisələrini daim yenilənən canlı bloqda izlə. «Davamı» düyməsini sıxmaqla bloqu vərəqləmək olar.

15:06 2.9.2014

NÖVBƏTİ GÜNLƏRİN XRONOLOGİYASI BURADA

Ukrayna ordusu Donetsk aeroportunu da tərk etdi

Donetsk aeroportunun kimin əlində olduğu bilinmir
Embed
Donetsk aeroportunun kimin əlində olduğu bilinmir

No media source currently available

0:00 0:01:03 0:00

Sentyabrın 1-də Ukrayna ordusunun Donetsk aeroportunu da tərk etdiyi bildirlir. Rəsmi Kiyev hələ 1 gün əvvəl aeroportun nəzarətdə olduğunu bildirsə də, müdafiə naziri Heletey bəyan etmişdi ki, Rusiyanın nizami qoşun hissələri Donetsk şəhərinə daxil olub. 1 gün əvvəl Azadlıq Radiosunun müxbiri də aeroportun alınması xəbərini təsdiq etmirdi. Lakin Reuters agentliyi sentyabrın 2-də tərk edilmiş Donetsk aeroportunun görüntülərini yayıb. Bundan bir gün əvvəl Ukrayna ordusu Luqansk aeroportunu da əldən verməyə məcbur olmuşdu. Hər 2 aeroport təmir edildikdən sonra Rusiyadan gələn yük təyyarələrini qəbul edə bilər. Rusiyanın Kiyevə qarşı döyüşən silahlı birləşmələri ancaq quru yolları ilə deyil, hava ilə də təmin etmək imkanı qazana bilər. (Reuters)

04:49 2.9.2014

Ukrayna desantçılarına atəş açılır

Ukrayna desantçılarına atəş açılır
Embed
Ukrayna desantçılarına atəş açılır

No media source currently available

0:00 0:00:30 0:00
Direct-ə keçid

Ukrayna ordusu gözlənilməz hücumlara məruz qalıb. Rusiya sərhəddi istiqamətindən güclü hücumlarla yanaşı, artıq ordunun dərin arxasında da pusqulara rast gəlmək olur. Sentyabrın 1-də Artyomovskdan Slavyansk şəhərinə gedən Ukrayna desantaçılarının hərbi maşın karvanına yol kənarındakı yaşıllqdan atəş açılıb.

Təhlükəsizlik və müdafiə şurasının təcili iclasını toplayan prezident Petro Poroshenko parlament fraskiyalarının rəhbərləri ilə məsləhətləşmələrdən sonra ölkədə hərbi vəziyyət elan olunması qərarından vaz keçib. Bildirilir ki, Kiyev yeni şəraitdə ordunun və təhlükəsizlik qüvvələrinin yeni taktikasını işləyir.

Sentyabrın 1-də Ukrayna müdafiə naziri bəyan edib ki, Ukrayna artıq antiterror əməliyyatlarından qonşu Rusiya ilə "Böyük müharibə"yə qədəm qoyur. Onun sözlərinə görə, Rusiya onun ölkəsində qarşı qısa mənzilli nüvə silahlarından istifadə etməyi də nəzərdə tutur.

Ukrayna müdafiə nazirinin bu bəyanatı rəsmi Moskvanın kəskin etirazına səbəb olub. Rusiya xarici işlər nazirliyi bu bəyanatı məsuliyyətsiz adlandırıb. Prezident Putin isə deyib ki, istəsə Kiyevi 2 həftəyə ala bilər.

Davamı

Əvvələ dön
XS
SM
MD
LG